ભુજના સાઈકલ ગ્રુપ દ્વારા ટ્રેકિંગ નું આયોજન કરવામાં આવ્યું

મહામારી કોરોનાના કપરા કાળમાં અનલૉક બાદ લોકો કુદરતી અને રમણીય સ્થળો પર જવાનું પસંદ કરી રહ્યા છે.વિવિધ ગ્રૂપ તેમજ પરિવાર સાથે લોકો કુદરતી નજારો માણી રહ્યા છે વહેલી સવારે તો સૂર્યાસ્તના સમયે લોકો કુદરતનો નજારો માણવાનો અમૂલ્ય લ્હાવો ચૂકતા નથી, ભુજનો સાયકલ ગ્રુપ વ્હાઈટ ઈગલ સાઈકલ ગ્રૂપ પણ દર રવિવારે આવું આયોજન કરતું હોય છે,ભુજની નજીક આવેલા વિવિધ કુદરતી સ્થળો પર ગ્રુપના મેમ્બરો તેમજ તેમના પરિવાર દ્વારા મુલાકાત લઈ પ્રકૃત્તિનો અમૂલ્ય નજારાને માણવાનો ચૂકતા નથી.

રવિવારે શિયાળાનિ કડકડતી ઠંડી વચ્ચે ભુજના આ ગ્રૂપ દ્વારા જદુરા થી ટપકેશ્વરી વચ્ચે ડુંગરો અને પ્રકૃતિ વચ્ચે કુદરતે ખોબલે ખોબલે વેરેલાં સૌંદર્યને માણી શકાય તે માટે ટ્રેકિંગ નું આયોજન કર્યું હતું જેમાં 38 જેટલા નાનામોટા પ્રકૃતિ પ્રેમી જોડાયા હતા.

આ ટ્રેકિંગના અનુભવ વિષે જાણીતા બાળ તબીબ ડોક્ટર કેશરાણીએ જણાવ્યું હતું કે પ્રકૃતિ સાથેનો સીધો સંવાદ શબ્દોમાં વર્ણવો શક્ય નથી કુદરતનો આ નજારો માણવા માટે શહેરની ચમક દમક છોડી  રમણીય સ્થળ પર આવવાથી જ તેનો અનુભવ થતો હોય છે.

શહેર વિસ્તારમાં થતા આવા આયોજન સમયે કવિ ગણપત પટેલ ' સૌમ્યને ચોક્કસ યાદ કરવા રહ્યા " બહાર દેખાતી ચમકને માલમિલકત બાદ કર એ પછી બાકી રહ્યો તું કેટલો યાદ કર.

તેજ સર્જેલા બધા બંધન તને જકડી રહ્યા,છોડ એ સઘડી ગુલામી તું તને આઝાદ કર.